बातमी शेअर करा.

विद्यार्थ्यांचे परिश्रम व शिक्षकांच्या मार्गदर्शनामुळे मागील २३ वर्षांपासून शंभर टक्के निकालाचे सातत्य – संस्थापक सचिव राजकिशोर मोदी

अंबाजोगाई (प्रतिनिधी)
येथील श्री बालाजी शिक्षण प्रसारक मंडळ अंबाजोगाई संचलित मानव विकास निवासी मूकबधिर विद्यालयाचा शालांत परीक्षेचा निकाल १०० टक्के लागला असून यावर्षीही विद्यालयातील विद्यार्थ्यांनी १०० टक्के निकालाची गेल्या २३ वर्षांपासूनची यशस्वी परंपरा २४ व्या वर्षी सुद्धा कायम राखली आहे. सन २०२५-२६ या शैक्षणिक वर्षात एकूण १४ विद्यार्थी दहावीच्या परीक्षेत पात्र ठरले होते व ते सर्व विद्यार्थी उत्तीर्ण झालेले आहेत.

मानव विकास निवासी मूकबधिर विद्यालयाचा माध्यमिक शालांत परीक्षेच्या निकालात यावर्षी शाळेचा निकाल एकूण शंभर टक्के लागला असून या निकालामध्ये ०२ विद्यार्थी विशेष प्राविण्य तर प्रथम श्रेणीत १२ विद्यार्थी उत्तीर्ण झाले आहेत. विद्यालयातून सर्वप्रथम येण्याचा बहुमान तौफिक खमर चाऊस ७५.६० टक्के गुण प्राप्त करून पटकावला आहे व नवनाथ भागवत चौरे ७५ टक्के व प्रथमेश ज्ञानेश्वर रासमवाड ७३.६० टक्के गुण घेऊन द्वितीय व तृतीय क्रमांक पटकावला आहे. शाळेमध्ये घेण्यात येणाऱ्या सर्व विषयाच्या जादा तासिका, साप्ताहिक, मासिक व सराव परीक्षांचा परिणाम म्हणून या निकालाचे सातत्य राखण्यात विद्यार्थ्यांना यश आले आहे .

विद्यार्थ्यांचे परिश्रम व शिक्षकांच्या योग्य मार्गदर्शनमुळे शंभर टक्के निकालाचे सातत्य – सचिव राजकिशोर मोदी :