बातमी शेअर करा.

अभिवादन रॅली, शालेय विद्यार्थ्यांसाठी स्पर्धा, मी सावित्री बोलतेय – एकपात्री नाट्यप्रयोग, १२५ मुलींना शैक्षणिक साहित्य वाटप करणार

अंबाजोगाई (प्रतिनिधी)
प्रतिवर्षाप्रमाणे याही वर्षी येथील महात्मा फुले सेवा संघ, अंबाजोगाई यांच्या वतीने अंबाजोगाईत शनिवार, दिनांक ३ जानेवारी २०२६ रोजी ज्ञानज्योती सावित्रीमाई फुले जयंती उत्सव साजरा करण्यात येणार आहे. या निमित्त आयोजित बैठकीत अभिवादन रॅली, शालेय विद्यार्थ्यांसाठी स्पर्धा, मी सावित्री बोलतेय – एकपात्री नाट्यप्रयोग, १२५ मुलींना शैक्षणिक साहित्य वाटप आदी विविध उपक्रमांचे आयोजन करण्यात करण्यासंदर्भात सर्वानुमते ठरले.

जयंती उत्सव आयोजनासाठी शहरातील स्वयंवर मंगल कार्यालय, संत सावता माळी नगर येथे आयोजित बैठकीच्या अध्यक्षस्थानी मेजर शांतिनाथ बनसोडे हे होते. या बैठकीत ज्ञानज्योती सावित्रीमाई फुले जयंतीनिमित्त अंबाजोगाई शहरात येत्या शनिवारी, ३ जानेवारी रोजी विविध उपक्रमांचे आयोजन करावयाचे आहे असे ठरले. त्यानूसार अंबाजोगाईत शनिवार, दिनांक ३ जानेवारी २०२६ रोजी सकाळी ९ वाजता कै.गोदावरीबाई कुंकूलोळ योगेश्वरी कन्या शाळेत ज्ञानज्योती सावित्रीमाई फुले यांच्या अर्धाकृती पुतळ्यास अभिवादन करून जयंती उत्सव सोहळ्यास प्रारंभ करण्यात येणार आहे. त्यानंतर शालेय विद्यार्थ्यांसाठी विविध स्पर्धांचे आयोजन करण्यात येणार आहे. दुपारी ३ वाजता सावित्रीमाई फुले चौक येथून अभिवादन रॅली काढण्यात येईल. ही रॅली ज्ञानज्योती सावित्रीमाई फुले चौक, छत्रपती शिवाजी महाराज चौक, राजमाता अहिल्यादेवी होळकर चौक, भारतरत्न डॉ.बाबासाहेब आंबेडकर चौक, क्रांतीसुर्य महात्मा फुले चौक ते संत सावता माळी चौक मार्गे निघून स्वयंवर मंगल कार्यालय, संत सावता माळी नगर येथे अभिवादन रॅलीचा समारोप होईल. या सर्व चौकातील नामफलकाला पुष्पहार अर्पण करून अभिवादन करण्यात येईल. त्यानंतर सायंकाळी ६. ३० वाजता महात्मा फुले सेवा संघ, अंबाजोगाई यांच्या वतीने स्वयंवर मंगल कार्यालय येथे प्रा.डॉ.संपदा कुलकर्णी (विभागप्रमुख, नाट्य शास्त्र विभाग, स्वामी रामानंद तीर्थ महाविद्यालय, अंबाजोगाई) यांचा मी सावित्री बोलतेय हा एकपात्री नाट्यप्रयोग सादर होणार आहे. तसेच याचवेळी मान्यवरांच्या हस्ते १२५ मुलींना शैक्षणिक साहित्य वाटप करण्यात येणार आहे. हे सर्व कार्यक्रम स्वयंवर मंगल कार्यालय, संत सावता माळीनगर या ठिकाणी आयोजित करण्यात आले आहेत. ज्ञानज्योती सावित्रीमाई फुले जयंती उत्सवाच्या आयोजनाच्या पुर्वतयारी करिता आयोजित करण्यात आलेल्या बैठकीस डॉ.सुरेश आरसुडे, बळीराम चोपने, गणेश राऊत, अनंत आरसुडे, वसंतराव घोडके, अंकुश घोडके, संतोष राऊत, सिद्राम घोडके, विष्णु राऊत, प्रकाश बलुतकर, प्रकाश जिरे, ज्ञानेश्वर जिरे, रमेश जिरे, बालासाहेब माळी, डॉ.फुटाणे सर, विठ्ठल शिंदे, नितीन जिरे, दत्तात्रय सत्वधर, गणेश जाधव, मंगेश बलुतकर, गणेश दादा जाधव, पंकज राऊत, राम घोडके, आकाश चोपने, कृष्णा मसने, नवनाथ माळी, शरद माळी, रोहन माळी, महेश सपाटे, अशोक बलुतकर, प्रदीप जिरे, नंदकुमार बलुतकर, आरसुडे मॅडम, सागर साखरे, सुरज राऊत, डॉ.सुशिल शिंदे, प्रविण चोपने, बालाजी घोडके, सुधीर डाके, पवन जिरे, पवन घोडके, अमोल घोडके, सुमित धनवडे, अनंत मसने, श्रीनिवास मसने, निवृत्ती जिरे, राम जिरे, गणेश डाके, अभिजीत जिरे, सुमित राऊत, ऋषिकेश पाथरकर, गोविंद पाथरकर, अमोल जिरे, विजय जिरे, भागवत जिरे, अनिकेत घोडके, दिनेश घोडके, तुषार करपुडे, अशोक जिरे, बालासाहेब जिरे आदींसह अनेकांची उपस्थिती होती. बैठकीचे सुत्रसंचालन महात्मा फुले सेवा संघ, अंबाजोगाईचे सचिव राम घोडके यांनी केले. तर उपस्थितांना मार्गदर्शन व मौलिक सूचना अध्यक्ष बालासाहेब मसने यांनी केल्या. उपस्थितांचे आभार मंगेश बलुतकर यांनी मानले. बैठकीच्या यशस्वितेसाठी महात्मा फुले सेवा संघ, अंबाजोगाई आणि सर्व सन्माननीय समाज बांधव यांच्या वतीने पुढाकार घेण्यात आला आहे.

=======================